वीरगञ्ज ११ माघ। पर्सामा फेरि एक नाबालिका बलात्कृत भएकी छ्न । वीरगञ्ज महानगरपालिका वडा नम्बर १ छपकैया की ११ वर्षीय बालिका बलात्कृत भएकी हुन् ।
आफनै बुवाको साथी पर्ने काकाले उनको बलात्कार गरेको प्रहरीले जनाको छ । बलात्कारमा संलग्न रहेको आरोपमा प्रहरीले भारतीय नागरिक नेहाल मियाँलाई पक्राउ गरेको छ ।
मियाँविरुद्ध आइतबार पर्सा जिल्ला अदालतमा जर्बजस्ती करणी मुद्दामा म्याद थप गर्ने तयारी प्रहरीले गरिरहेको छ । वीरगञ्जमा कोठा खोज्न आएका मियाँ बालिकाको घरमा पाहुन बनेर बसेका थिए । त्यही क्रममा शनिबार विहान उनले बालिकालाई जबर्जस्ती करणी गरेका थिए । करणी गर्ने क्रममा बालिका चिच्याएपछि उनका बुवाले थाहा पाएका थिए । त्यसलगतै मियाँ फरार भए ।
घटनापछि फरार मियाँलाई प्रहरीले पक्राउ गरेर अनुसन्धान सुरु गरिसकेको जिल्ला प्रहरी कार्यालय पर्साका प्रवक्ता प्रहरी नायब उपरीक्षक ९डीएसपी० मनोजीत कुँवरले जानकारी दिए ।
सुरुमा जर्बजस्ती करणी प्रयास भएको भन्ने खबर प्रहरीलाई आएको भए पनि पछि बालिकाको स्वास्थ्य जाँच गराउँदा चिकित्सकले करणी नै भएको प्रारम्भिक जानकारी दिएका छन् ।
