माघ ९ काठमाण्डौं । प्रधानमन्त्री केपी शर्मा ओलीले आगामी वैशाखमा हुने निर्वाचन पछि पनि आफ्नै नेतृत्वमा रहेको पार्टीले बहुमत ल्याउने दाबी गरेका छन् । नेकपा ओली समुह निकट पेशागत विशेष जिल्ला कमिटीले आज आयोजना गरेको कार्यकर्ता भेलालाई सम्बोधन गर्दै नेकपा ओलीले निर्वाचनपछि आफ्नो पार्टीको पुनःबहुमतसहितको सरकार बन्ने दावी गरे ।
उनले प्रतिनिधिसभा पुनःस्थापनाको व्यवस्था संविधानमा नभएको जिकिर गरे ।
प्रधानमन्त्री ओलीले लोकतान्त्रिक आन्दोलनका समयमा तत्कालीन आफ्नो पार्टीले विधानमा संवैधानिक राजतन्त्रको वकालत गरिरहेको नेपाली कांग्रेससँग संयुक्त आन्दोलन गरिरहेका स्थितिमा ‘बयलगाडा चढेर अमेरिका पुगिन्न’ भनी दिएको अभिव्यक्तिलाई अहिले गलत व्याख्या गरिएको दावी गरे ।
पहिलो संविधानसभालाई आफूहरुले नभई अरुले विघटन गराएको र बल्लबल्ल पुनः निर्वाचन गरी अनेक शक्तिले रोक्न खोज्दा पनि संविधान जारी गराएको उल्लेख गर्दै आफ्नो नेतृत्वको सरकारले भारतले मिचेको भूमिलाई नेपालको नक्शामा समेटेपछि अरुको पार्टीभित्रैबाट सरकारको विरोधमा खेल शुरु भएको आरोप लगाए ।
उनले आज प्रचण्ड माधव समुहले राजधानीमा गरेको बिशाल प्रदर्शनप्रति व्यग्य गर्दै अलि अलि मान्छे उतारेछन अव माघ २३ गते आफूहरुले वास्तविक जनप्रदर्शन गर्ने बताए ।
