माघ ५ काठमाण्डौं । जनता समाजवादी पार्टी संघीय परिषद्का अध्यक्ष एवं पूर्व प्रधानमन्त्री डा. बाबुराम भट्टराईले प्रधानमन्त्री केपी ओलीले राज्यका सबै अंगलाई धम्क्याईरहेको भन्दै अब अदालतको परीक्षाको घडी आएको बताएका छन् ।
असंवैधानिक रुपमा प्रतिनिधि सभा विघटन गरिएको भन्दै यदी सर्वोच्चले संसद पुनस्थापना नगरे चुप लागेर नबस्ने चेतावनी पनि दिए ।
आफूहरुले संसद विघटन विरुद्ध शान्तिपूर्ण आन्दोलन गर्ने र हस्तक्षेप भए रामनाम जपेर नबस्ने उनले बताए ।
आज गणेशमान सिंह तथा शहीद स्मृती शान्ति प्रतिष्ठानले राजधानीमा गरेको अन्तक्रियामा डा. भट्टराईले प्रतिनिधि सभा विघटन संविधानको व्यवस्थाभन्दा बाहिरबाट गरिएको छ र यो संविधानमाथिको प्रहार भएकाले अब काँग्रेसको नेतृत्वमा आन्दोलन हुनु पर्ने बताए ।
यदी संसद पुनस्थापना भए मुलुकको नेतृत्व गर्ने अवसर तत्कालै आउने भएकाले निर्वाचन कि संसद पुनस्थापना बनेर अलमलमा नलाग्न काँग्रेसलाई उनले आग्रह पनि गरे ।
