माघ ४ मन्थली । नेकपाका पचण्ड माधव समुहका नेता योगेश भट्टराईले आफूलाई प्रधानमन्त्री ओलीले केटो भनेर जिस्काएकोप्रति गंभीर चेतावनी दिएका छन ।
रामेछापको मन्थलीमा आज आयोजित सभालाई संवोधन गर्दै भट्टराईले मैले केपी ओलीले भन्दा धेरै भोट ल्याएर जितेको सांसद हुँ, मलाई केटो भनेर जिस्काउने ? भनी प्रतिप्रश्न गरेका छन् ।
हिजो राजधानीमा आयोजित कार्यकर्ता भेलामा योगेशलाई लक्षित गर्दै प्रधानमन्त्री ओलीले एउटा केटोलाई टिपेर मन्त्री बनाईदिएको पुक्क लात्तीले हानेर हिँड्यो भनी गरेको टिप्पणीप्रति आक्रोस व्यक्त गरेका हुन् ।
उनले प्रधानमन्त्रीलाई होस गुमाएर नबोल्न पनि सचेत गराए । भट्टराई पर्यटन मन्त्री हुँदा हुँदै ओलीले संसद विघटन गरेपछि राजीनामा दिएर प्रचण्ड माधव समुहमा उभिएका नेता हुन् ।
नेकपाको स्पष्ट बहुमत भएको प्रतिनिधिसभालाई असंवैधानिक कदमबाट विघटन गर्ने प्रधानमन्त्री केपी ओलीले कुन नैतिकताले फेरि प्रतिनिधिसभा माग गर्ने अधिकार छ रु भट्टराईले प्रश्न गरे । ‘प्रधानमन्त्रीको नैतिकता छैन, उहाँ जाली काम गर्दै आउनुभएको छ ’, भट्टराईले भने ।
ओलीले १७ साल दोहोर्याउन खोजेको भन्दै त्यस्तो सपना नदेख्न पनि चेतावनी दिएका छन ।
ओलीको स्कुलमा मर्यादा, ईमान्दारीता र नैतिकता नसिकाईने भन्दै त्यस्तो स्कुलमा भर्ना नहुन उनले नेता कार्यकर्तालाई अपील समेत गरे ।
