माघ ३ काठमाण्डौं । पुष मा प्रधानमन्त्री केपी शर्मा ओलीले गरेको संसद विघटनको बिरुद्ध आन्दोलित नेपाली काँगेसले आज देशभरका सबै स्थानीय तहमा बिरोध प्रदर्शन गरेको छ ।
यस अघि काँग्रेसले सबै प्रदेश र संघीय निर्वाचन क्षेत्रमा पनि विरोध प्रदर्शन गरेको थियो ।
आजको विरोध प्रदर्शनमा बोल्ने काँग्रेस नेताहरुले प्रधानमन्त्री ओलीले संविधान र लोकतन्त्र बिरोधी काम गरेको भन्दै सह्य नहुने चेतावनी दिएका छन् ।
काठमाण्डौंको बसन्तपुरमा आयोजित विरोध सभालाई संवोधन गर्दै नेता प्रकाश मान सिंहले प्रधानमन्त्रीले आफैलाई संविधान ठानेको भन्दै अब काँग्रेस टुलुटुलु हेरेर नबस्ने बताए ।
प्रधानमन्त्री ओलीको असंवैधानिक कदमलाई रोक्नु पर्नेमा उल्टै अनुमोदन गरेर राष्ट्रपतिले समेत गलत गरेको नेता सिंहले बताए ।
अन्य विभिन्न स्थानमा भएका कार्यक्रमहरुमा अन्य नेताहरुले संवोधन गर्दै अलोकतान्त्रिक र असंवैधानिक कदम मान्य नहुने चेतावनी दिएका थिए ।
काँग्रेस सभापति शेर बहादुर देउवाले प्रदर्र्शनमा भाग लिने सबैलाई धन्यवाद दिएका छन् ।
