पुष २९ पोखरा । जनता समाजवादी पार्टीका संघीय परिषद् अध्यक्ष डा. बाबुराम भटटराईले संसद ब्युताएर पधानमन्त्री केपी ओली र राष्ट्रपति विद्या भण्डारीलाई महाअभियोग लगाउनु पर्ने बताएका छन् ।
पोखरामा बुधबार संसद विघटन बिरुद्ध आयोजित विरोध सभालाई संवोधन गर्दै भट्टराईले द्धापर युगमा कृष्ण र कंशको लडाई भए जस्तै अहिले आफूहरुको केपी ओलीसगँ लडाई भईरहेको बताए ।
ओली कंश र रावण जस्तो भएको र आफूहरु कृष्ण र राम जस्तो भएको भट्टराईले टिप्पणी गरे ।
ओली बिरुद्ध आकामक अभिव्यक्ति दिएका भट्टराईले ओलीको कदम पाकेटमार प्रवृति भएको जिकिर गरे ।
ओलीको कदमलाई खारेज गरेर संसद पुनस्थापना गर्न सकिने भन्दै भट्टराईले काँग्रेसले खुट्टा कमाएको आरोप लगाए ।
ओलीले भारतसामु आत्मसमर्पण गरेर संसद विघटन गरेको र भारत जान लागेका परराष्ट्रमन्त्रीले राष्टघाती सम्झौता गर्न सक्ने खतरा रहेको पनि भट्टराईले बताए ।
