पुष २९ काठमाडौं । प्रतिनिधिसभा विघटनविरुद्ध सर्वोच्च अदालतमा परेका मुद्दाको संवैधानिक इजलासमा आज सुनुवाई हुँदैछ । प्रधानन्यायाधिश चोलेन्द्र शमशेर जबराको नेतृत्वमा पाँचजना न्यायाधिश रहेको संबैधानिक इजलासमा आज तेश्रो पटक सुनुवाइ हुन लागेको हो ।
गत पुष २२ गते कानुन व्यवसायीहरुले न्यायाधिशमाथि स्वार्थ बाझिने भन्दै इजलासमाथि नै प्रश्न उठाएपछी न्यायाधिश हरिकृष्ण कार्कीले यस मुद्दामा आफु नबस्ने घोषणा गरेका थिए ।
मुद्दाको सुनुवाई बृहत पूर्ण इजलासबाट हुनुपर्ने मागसहित रिट निवेदकहरुले याचिका दर्ता गराएका छन् ।
यस अघि कानुन व्यवशायीका साथै पूर्व प्रधानन्यायधीशहरुले समेत संसद विघटन असंवैधानिक भएको सार्वजनिक प्रतिकृया दिएका थिए ।
त्यसले राजनीतिक क्षेत्रमा समेत तरंग पैदा गरेको छ । प्रतिनिधि सभा विघटन बिरुद्ध परेको रिटका आधारमा सर्वोच्चले संविधानको ब्याख्या गर्दै ससद पुनस्थापना गर्नेमा आन्दोलनरत दलहरु विस्वस्त देखिन्छन् ।
तर प्रधानमन्त्री ओली कुनै पनि हालतमा सर्वोच्चले संसद पुनस्थापित नगर्ने भन्दै चुनावको तयारीमा लाग्न भन्दै आएका छन् ।
