पुष २७ काठमाण्डौं । प्रधानमन्त्री केपी शर्मा ओलीले संसद विघटन गरेको बिरोधमा आन्दोलित बनेको जसपाले बीरगञ्जमा आज प्रदर्शन गरेको छ । आजको प्रदर्शनमा कार्यक्रमलाई जसपा अध्यक्ष उपेन्द्र यादव , दुई नं प्रदेशका मुख्य मन्त्री लाल बहादुर राउत, नेता लक्ष्मणलाल कर्ण, सांसद प्रदीप यादव र अन्य संघीय तथा प्रदेशका सांसदहरुले संवोधन गरेका थिए ।
हात्तीमा पार्टीको झण्डा र कालो ब्यानर राखेर समेत प्रदर्शन भएको थियो । प्रदर्शनमा ठूलो संख्यामा जसपाका कार्यकर्ता र समर्थकहरु सहभागी थिए । सो बिरोध कार्यक्रममा पर्सा जिल्लाको विभिन्न स्थानहरुबाट हात्ति, बाजागाजा सहित ¥याली आएको थियो । सो ¥यालीहरु वीरगंजमा एकतृत भई सभामा परिणत भएको थियो । सोही क्रममा पर्सा जिल्लाको पकहामैनपुर गाउँपालिकाका अध्यक्ष बिजय चौरसियाको नेतृत्वमा हात्ति, बाजागाजा सहित हजारौंको संख्यामा नेता कार्यकर्ताहरु बिरोध सभामा सहभागी भएका थिए ।
संवोधन गर्दै नेताहरुले सरकार असफल भएको र उसले अलोकतान्त्रिक र असंवैधानिक ढंगले संसद विघटन गरेको भन्दै बिरोध गरेका थिए ।
जसपाले यस अघि काठमाण्डौं बिराटनगर लगायतका क्षेत्रमा प्रदर्शन गरीसकेको छ ।
संसद विघटन अलोकतान्त्रिक र असंवैधानिक भन्दै जसपाले आन्दोलन जारी राखेको छ ।
