पुष १५ काठमाण्डौं । प्रधानमन्त्री केपी शर्मा ओलीले प्रचण्ड षड्यन्त्रकारी रहेको र जति साबुन पानीले धुँदा पनि नभएको टिप्पणी गरेका छन् ।
“प्रचण्डलाई धुन तीन वर्षमा डल्लाका डल्ला साबुन खर्च भयो। ट्यांकीका ट्यांकी पानी खर्च भयो। साबुन लगायो पखाल्यो उहाँ जस्ताको त्यस्तै।’ ओलीले कटाक्ष गरे ।
आज बबरमहलमा सुदुरपश्चिम प्रदेशका ओली समुहका कार्यकर्तालाई संवोधन गर्दै उनले यस्तो टिप्पणी गरेका हुन् । आफूले षड्यन्त्रकारी नीति छोड्न जति भने पनि प्रचण्डले नमानेको भन्दै उनले प्रचण्ड धृतराष्ट्र जस्तो भएको तर्क गरे ।
छोरीलाई मेयर बनाउन प्रचण्डले मतपत्र च्यातेर प्रजातन्त्रलाई धुजा धुजा पारेको ओलीले तर्क गरे ।
यस अघि हिजो भएको बिरोध सभामा प्रचण्डले ओलीलाई तानाशाही र गणतन्त्र बिरोधी भएको भन्दै अब पत्तासाफ हुने चेतावनी दिएका थिए ।
अहिले नेकपाको दुबै समुह एक अर्कालाई आरोप प्रत्यारोप गर्न व्यस्त छन् ।
