पुष १२, काठमाडौँ । नेपाल कम्युनिष्ट पार्टीलेका प्रवक्ता खड्गबहादुर बिश्वकर्मा प्रकाण्डले सङ्खुवासभामा पार्टीका कार्यकर्ता र प्रहरीबीच दोहोरो भिडन्त नभएको बताएका छन् ।
आइतवार विज्ञप्ति जारी गरि प्रकाण्डले सङ्खुवासभा जिल्लाको चैनपुर नपा ४ मैदानेमा दोहोरो भिडन्त भएको हल्ला फिजाई सरकारले सर्वसाधारणमाथि दमन चलाएको भन्दै यस्तो कार्य जारी राखे प्रतिरोध गर्ने चेतावनी दिएका छन् ।
उनले पार्टीका जिल्ला सेक्रेटरी युबराज राईको घरमा गई प्रहरी टोलीले सर्वसाधारण घरपरिवारमाथि कुटपिट गरेको घटनाप्रति हाम्रो पार्टीको गम्भीर ध्यानाकर्षण भएको पनि जनाएका छन् । प्रहरीले जिल्ला सेक्रेटरी युवराज राईकी वहिनी भएकै कारणले चन्द्रकला राईलाई कुटपिट गरी ढाड भाँचैर अचैत अवस्थामा पुन्याएको भन्दै प्रकाण्डले बिज्ञप्तिमार्फत घटनाको घोर निन्दा र भत्संना पनि गरेका छन् ।
साथै उक्त घटनालाई दोहोरो भिडन्त भएको दाबी र समाचारको पनि खण्डन समेत गरिएको छ ।
सुरक्षा निकायप्रति कुनै आक्रमणको नीति नरहेको अवस्थामा पनि परिस्थितिलाई उक्साउने, उत्तेजित बनाउने र दमन गर्ने नीति राज्यले कायम राखेमा सशक्त प्रतिरोध गर्ने समेत प्रकाण्डको चेतावनी छ ।
