काठमाडौं, १० पुस । प्रतिनिधिसभा विघटनको विरोधमा नेपाली कांग्रेसले पुस १३ गते सोमबारको देशव्यापी प्रदर्शनलाई सशक्त बनाउने भएको छ।
बुधबारदेखि सुरु भएको केन्द्रीय समिति बैठक आन्दोलनका कार्यक्रम सार्वजनिक गर्दै पुस १९ गतेसम्मका लागि स्थगित भएको छ। बैठकले पुस १६ गते राष्ट्रिय एकता तथा मेलमिलाप दिवसमा कार्यक्रमसमेत गर्ने भएको छ।
‘आजको बैठकले पुस १३ गते सोमबार १६५ निर्वाचन क्षेत्रमा संसद विघटनका विरुद्धमा हुने प्रदर्शनमा सम्पूर्ण रुपले केन्द्रीत रहने निर्णय गरेको बैठकपछि मुख्यसचिव कृष्णप्रसाद पौडेलले बताए ।
पुस १६ गते राष्ट्रिय एकता तथा मेलमिलाप दिवसको कार्यक्रम पश्चात केन्द्रीय कार्यसमितिको बैठक पुस १९ गते दिउँसो १ बजे केन्द्रीय कार्यालयमा पुनः बस्ने पौडेलले जानकारी दिए ।
शुक्रबारको बैठकमा केन्द्रीय सदस्य ज्ञानेन्द्रबहादुर कार्की, डा। मिनेन्द्र रिजाल, शंकर भण्डारी, देवेन्द्रराज कँडेल, रमेश लेखक, सरिता प्रसाई र कल्पना चौधरी लगायतले धारणा राखेका थिए।
