काठमाडौं, १० पुस । प्रधानमन्त्री केपी शर्मा ओलीले मन्त्रिपरिषद् विस्तार गरेका छन् । नेकपाको विभाजनसँगै प्रचण्ड–माधव पक्षका मन्त्रीहरुले राजीनामा दिएपछि रिक्त मन्त्री पदमा शुक्रबार ओलीले नियुक्ती गरेका हुन् ।
ओलीले मन्त्रिपरिषद् पुनर्गठन गर्दा प्रचण्ड नेपाल समूहलाई कमजोर बनाउने रणनिती अनुसार पूर्वमाओवादीका पाँच नेतालाई मन्त्री बनाएका छन् । जसअनुसार श्रममन्त्रीको जिम्मेवारी प्रभु साहले पाएका छन् भने पर्यटनमा मणि थापा, शिक्षामा दावा लामा र खानेपानीमा गौरीशंकर चौधरीलाई जिम्मेवारी दिएका छन् ।
यस्तै, टोपबहादुर रायमाझीलाई ऊर्जा मन्त्रालय दिएको बुझिएको छ । राष्ट्रपति कार्यालयका अनुसार नवनियुक्त मन्त्रीहरुको आज साँझ ७ बजेलाई सपथको कार्यक्रम राखिएको छ ।संसद विघटन गरेपछि नेकपा विभाजन भएको छ । अहिले पनि नेताहरु दुबै समूहले आफ्नो पक्षमा पार्न तानातान गरिरहेका छन् ।
