पुष ८ काठमाण्डौं ।, पार्टी अध्यक्ष केपी ओलीलाई कार्बाही गरिएको र बहुमत केन्द्रीय सदस्यको हस्ताक्षर सहित आधिकारीक नेकपाको दाबी गर्दै प्रचण्ड माधव समुहका नेताहरुले निर्वाचन आयोगलाई पत्र बुझाएका छन् ।
नेकपा नेता सुरेन्द्र पाण्डे, लीलामणि पोखरेल लगायतका नेताहरु निर्वाचन आयोग पुगेका छन् । उनीहरुले आयोगमा चुनाव चिन्ह सूर्य हुनु पर्ने दाबी पनि गरेका छन् ।
२ तिहाइ भन्दा बढी केन्द्रीय सदस्य रहेको दाबी गर्दै आफूहरूको निर्णय आधिकारिक रहेको निर्वाचन आयोगमा दाबी पेश गरेका छन् ।
अहिले कायम रहेको ४ सय ३५ सदस्यीय केन्द्रीय कमिटिमा हाम्रो पक्षमा ३ सय भन्दा बढी केन्द्रीय सदस्य छन्। केपी ओलीसँग नयाँ पार्टी खोल्न सक्ने संख्या समेत नरहेको एक नेताले बताए । केपी ओलीले २५ हजार केन्द्रीय सदस्य बनाए पनि त्यो नेकपाका लागि बैधानिक नहुने उनीहरुको दाबी छ ।
निर्वाचन आयोगमा ओली पक्षले पनि हिजो नै पार्टी आधिकारीक भएको दाबी पेश गरेको थियो । निर्वाचन आयोगले कानुनी व्यवस्था अनुसार दलको मान्यता प्रदान गर्ने र त्यस पूर्व छलफल गर्ने तयारी गरेको छ ।
