८ पुष, काठमाडौं ।
नेकपाको केपी ओली समुहले आज सातै प्रदेशमा भेला गर्ने भएको छ । प्रधानमन्त्री निवास बालुवाटारमा भएको मंगलवारको केन्द्रीय कमिटी बैठकले आज सातै प्रदेशमा वृहत भेला गर्ने निर्णय गरेअनुसार केन्द्रीय स्तरका नेताहरु भेलामा सहभागी हुनेछन् ।
दुई दिनभित्रै सबै प्रदेशमा भेला गर्ने निर्णय ओली समुहको निर्णय छ ।
प्रदेशस्तरीय भेलामा केन्द्रीयस्तरका नेताहरुको सहभागिता रहने बताईएको छ । वाग्मतीमा हुने भेलाको संयोजन गर्ने जिम्मा आनन्द पोखरेललाई दिइएको छ ।
गण्डकीमा टोपबहादुर रायमाझी खटिनुहुनेछ । यसैगरी लुम्बिनी प्रदेशमा हुने भेलाको समन्वय खिमलाल भट्टराईले गर्नुहुने छ ।
भेलाका लागि सुदूरपश्चिम प्रदेशमा लेखराज भट्ट, प्रवक्ता प्रदीप ज्ञवाली र कर्ण थापालाई खटाइने निर्णय गरेको छ ।
त्यसैगरी कर्णाली प्रदेशमा शंकर पोखरेल, यमलाल कँडेललगायत नेताहरु खट्नुहुनेछ भने प्रदेश २ को संयोजन सुमन प्याकुरेलले गर्नुहुनेछ ।
