पुष ७ काठमाण्डौं । नेकपा वरिष्ठ नेता माधवकुमार नेपालले बालुवाटारमा ओलीको नेतृत्वमा भएको सानो गुट भेला अवैधानिक भएको भन्दै आफूहरुले गरेको बैठक आधिकारीक भएको चुनौती दिएका छन् ।
बबरमहलमा आयोजित केन्द्रीय कमिटी बैठकमा बोल्दै नेपालले अब पूर्व एमाले र माओवादी ब्युतन नसक्ने भन्दै नेकपा नै अघि बढ्ने बताए ।
आउदो बैठकमा ओली पनि सहभागी हुने नेता नेपालले दाबी गरे । ओलीलाई अध्यक्षबाट हटाएर नेपाललाई अध्यक्ष सो समुहले बनाएको छ ।
नेता नेपालले नेकपाका केन्द्रीय सदस्यहरुको वास्तविक संख्या ४४१ भएको बताउँदै आफूहरुको बैठकमा दुई तिहाइ केन्द्रीय सदस्य रहेको बताए ।
प्रचण्डले अपमानको बिष गज्जबगरी पिउने गरेको अनुभव पनि नेपालले सुनाए ।
उनले निर्वाचन आयोगमा वेधताको बारेमा हल्ला फैलाएपनि त्यसमा कुने सत्यता नरहेको बताए । सचिवालय बैठक राख्दा पनि ओलीले धेरै सर्तहरु राख्ने गरेको बताए ।
