काठमाडौं, ६ पुस । गृहमन्त्री रामबहादुर थापा वादल पूर्व माओवादी हुँदा सम्म प्रचण्डका विस्वास पात्र मानिन्थे । तर एमालेसँग पार्टी एकता भएपछि उनी केपी शर्मा ओलीको खेमामा प्रवेश गरे ।
दुई पार्टी मिलेर नेकपा बनेपछि बिस्तारै वादल र प्रचण्डबीच दुरी बढ्दै गयो र ओलीसँग वादल नजिकिए । नेकपामा पटकपटक भएको शक्ति संघर्षमा वादलले कहिले खुलेरै ओलीलाई साथ दिए भने कहिले मध्य बिन्दुमा बसेर प्रचण्ड र ओलीसँगको दुरीलाई व्यावस्थापन गर्ने गरेका थिए । यसअघि झण्डै फुटकै संघारमा नेकपाको बैठक चलिरहेका बेला बादलको भूमिकामाथि प्रश्न उठेको थियो ।
उनले केही समय देखि सरकारमा रहुञ्जेल ओलीसगँ रहने र पार्टी फुटेमा प्रचण्डसगँ रहने भनेर भन्ने गरेको प्रचण्ड निकट नेताहरु बताउछन् ।
यसो गर्दा हिजो प्रचण्ड माधव सहुमका सात मन्त्रीले राजीनामा दिदा पनि बादलले राजीनामा नदिए पछि वादल ओलीसगँ रहे भन्ने अनुमान गरिएको थियो ।
तर आज ओलीले बोलाएको बालुवाटार भेलामा पनि बादल गएनन् भने वानेश्वरमा प्रचण्ड नेपालले बोलाएको भेलामा पनि गएनन् ।
त्यसो त वामदेव गौतम पनि दुबैतिरको भेलामा उपस्थित भएका थिएनन् ।
वादलले आज आफ्नो समुहको नेताहरु बोलाएर राय लिनुका साथै आजै बेलुका सम्म धारणा सार्वजनिक गर्ने बताएका थिए ।
त्यसमा प्रतिनिधि सभा विघटन गर्ने प्रधानमन्त्रीको कदम प्रतिगामी भन्ने निष्कर्षमा वादल रहेको र अन्तत राजीनामा दिएर प्रचण्डसगँ आउन सक्ने कतिपयको विष्लेषण छ तर त्यो कदम बादलले चाल्नु अघि केही भन्न सकिने अवस्था भने छैन ।
त्यसो त आज पुलचोक स्थित वादलको क्वार्टरमै पुगेर प्रचण्डले बादललाई आफ्नो कित्तामा उभिन आग्रह गरेका थिए ।
