पुष ६ काठमाण्डौं । प्रधानमन्त्री केपी शर्मा ओलीले आफू निकट नेताहरुको भेलामा प्रचण्डसगँ आफूलाई कार्बाही गर्ने हैसियत नभएको संकेत दिएका छन् ।
उनले नेकपामा छिरेर प्रचण्डले ओलीलाई कार्बाही गर्ने कुरा कसैले नपत्याउने भन्दै यो भएमा विश्वमै दुर्लभ घटना हुने बताए ।
वालुवाटारमा आफू निकटका सांसद, राष्ट्रिय सभा सदस्यहरुलाई संवोधन गर्दै ओलीले देशी विदेशी र खास गरी पार्टी भित्रैबाट असहयोग र घेराबन्दी गरिएकाले संसद विघटन गर्नु परेको भन्दै अब सरकारले गरेको राम्रो कामको प्रचार गर्दै चुनावमा जान अनुरोध गरेका थिए ।
प्रचण्डलाई एकतामा आउदा दोस्रो अध्यक्ष दिईए पनि त्यो उपाध्यक्ष सरह भएकाले उपाध्यक्षहरुले भेला गर्ने र कार्बाही गर्ने कुरा संभव नहुने ओलीले बताए ।
पार्टी एकतामा सिन्को नभाचेर उल्टै सरकारलाई असहयोग गरेर कामै गर्न नदिएको भन्दै ओलीले अब केन्द्रीय कमिटिको बैठक आफूले बोलाउने बताएका छन् ।
यस अघि हिजो प्रचण्डको नेतृत्वमा बसेको स्थायी समितिको बैठकले संसद विघटनप्रति आपत्ति जनाउदै ओलीलाई अनुशासनको कार्बाही गर्ने निर्णय गर्नुका साथै भोली सात पुषमा केन्द्रीय समितिको बैठक बोलाउने निर्णय गरेको थियो ।
