पुष ५ काठमाण्डौं । प्रधानमन्त्री केपी शर्मा ओलीले संसद विघटनको सिफारीस गरे पछि त्यले देशको राजनीतिमा नयाँ तरंग आएको छ । यो अप्रत्यासित निर्णयले आश्चर्यमा परेका नेकपाकै नेताहरुले यो असंवैधानिक भएको भन्दै संसद पुनस्थापना हुनु पर्ने माग गरेका छन् ।
मिर्मिरे अनलाईनसगँ कुरा गर्दै नेकपाका स्थायी समिति सदस्य एवं संसदीय दलका सचेतक देब गुरुङले प्रधानमन्त्रीले संसद विघटन गर्नु सर्वसत्तावादी र एकाधिकारवादी भएको भन्दै यस्तो शासन राजा र राणाको कालमा पनि भोगेको भन्दै यसलाई पनि जनताले अस्वीकार गर्ने चेतावनी दिए ।
ओलीको यो कदमले पार्टी विघटन भईसकेको स्थिति रहेकैले पार्टी अलग हुनु या नहुनु औपचारीकता पाउनु नपाउनु सामान्य कुरा भएको गुरुङले टिप्पणी गरे ।
संसद विघटन गर्ने अधिकार प्रधानमन्त्रीलाई संसदले नदिएको भन्दै अब पार्टीले विधि र पद्धति अनुसार अगाडी बढेर काम गर्ने बताए ।
