४ पुष, काठमाडौँ । प्रमुख प्रतिपक्षी दल नेपाली कांग्रेस र जनता समाजवादी पार्टीका शीर्ष नेताहरुबीच संसद अधिवेशन बोलाउन सरकारलाई दबाब दिने र संसदमा प्रतिपक्षी दलहरुबीच सहकार्य गरेर अघि बढ्ने सहमति भएको छ ।
शनिबार साँझ कांग्रेस सभापति शेरबहादुर देउवा निवास बुढानिलकन्ठमा दुई दलका शीर्ष नेताहरुबीच भएको छलफलपछि सरकारलाईस दबाव दिनका लागि २ बुँदे समझदारी भएको हो ।
छलफलमा कांग्रेस सभापति देउवासहित कांग्रेसका वरिष्ठ नेता रामचन्द्र पौडेल, मीनेन्द्र रिजाल र रमेश लेखक र जसपाको तर्फबाट कार्यकारी अध्यक्ष महन्थ ठाकुर, डा बाबुराम भट्टराई र राजेन्द्र महतो सहभागि थिए ।
सो क्रममा सरकारको पछिल्लो भूमिका र गतिविधिप्रति सहभागि नेताहरुले धारणा राखेका थिए ।
संसद अधिवेशन तत्काल बोलाउन सरकारसँग माग गर्ने र कोभिड १९ संकट लगायत जनसरोकारका सवालमा संसदभित्र प्रतिपक्षी दलहरुबीच सहकार्य गरेर अगाडि बढ्ने गरी २ बुँदे सम्झौता गरिएको छलफलमा सहभागी नेताहरुले बताएका छन् ।
