पुष ४ काठमाण्डौं । पहिलो पटक प्रचण्ड निवास पुगेर पार्टी अध्यक्ष एवं प्रधानमन्त्री केपी शर्मा ओलीले प्रचण्डले कार्तिक २८ गते पेश गरेको राजनीतिक प्रतिवेदन फिर्ता लिन आग्रह दोहोर्याएका छन् ।
उनले प्रचण्डको प्रतिवेदनलाई आरोप पत्र भन्दै यसमा छलफल हुन नसक्ने अडान राख्द ै आएका ओलीले यसलाई आरोप पत्रको संज्ञा दिदै फिर्ता लिन पुनः आग्रह गरेका हुन् ।
प्रचण्डको यो प्रतिवेदनमा ओली बिरुद्ध विभिन्न आरोप लगाईएको छ ।
त्यस पछि पटक पटक बैठक छाडेका ओलीले यसका बिरुद्ध लिखित जवाफी पत्र मंसीर १३ गते लेखेका थिए ।
त्यस पछि पनि प्रस्ताव फिर्ता नभए पछि ओली आक्रोसित हुँदै आएका छन् । प्रचण्ड नेपाल समुहले उक्त प्रतिवेदन फिर्ता लिन अस्वीकार गर्दै आएको छ ।
छलफलमा प्रचण्डले भने तत्कालै अध्यादेश फिर्ता लिनु पर्ने र बैठकबाट सबै कुराको टुंगो लगाउनु पर्ने बताएको स्रोतले जनाएको छ ।
वामदेव गौतम समेत सहभागी छलफलमा ठोस रुपले कुनै सहमति भने नभएको बताईएको छ ।
