पुष ४ काठमाण्डौं । पछिल्लो पटकको अध्यादेश प्रकरण सहित पार्टी भित्र देखा परेका गंभीर विवादका बीच प्रचण्डसँग सहमति कायम गर्न प्रधानमन्त्री केपी ओली फेरी सक्रिय भएका छन् ।
पार्टी बैठक र निर्णयको प्रवाह नगरी धमाधम निर्णय गर्दै अघि बढेका ओलीले चौतर्फी घेराबन्दी बढीरहेका बेला उनी प्रचण्डसगँ सहमति खोज्न सक्रिय बनेका हुन् ।
प्रधानमन्त्री ओली पहिलो पटक प्रचण्ड निवास खुमलटार जान लागेका छन् ।
अहिले केही बेरमै ओली खुमलटार पुगे पछि दुई नेताबीच कुराकानी हुने प्रचण्ड निकट स्रोतले जनाएको छ ।
पार्टी भित्र आरोप प्रत्यारोप र गुटगत भेला जारी रहेका बेला ओली खुमलटार जानुलाई अर्थपूर्ण मानिएको छ ।
हिजो पेरिसडाँडामा भएको आफू पक्षीय कार्यकर्ता भेलामा प्रचण्डले ओलीलाई निषेध हैन नियन्त्रण गरेर जान खोजिएको अभिव्यक्ति दिएका थिए ।
कहिले माधव नेपाल, कहिले वामदेव गौतमलाई फकाउने प्रयास सफल नभईरहेका बेला ओली प्रचण्ड निवासमा जानुलाई अर्थपूुर्ण मानिएको छ ।
