मंसीर २६ काठमाण्डौं । नेकपा भित्र एकता कायम हुनुको साटो गुटगत गतिविधि बढेको छ । पार्टी अध्यक्ष पनि नछाड्ने र प्रधानमन्त्री पनि नछाड्ने त्यसका लागि बरु बहुमत पुर्याउन कहिले वामदेव गौतम, कहिले माधव नेपाल र कहिले प्रचण्डलाई आस्वासन दिने गरे पनि यस पटक ओलीको आस्वासन तिर तीनै जना नेता लागेका छैनन् ।
पछिल्लो समय बालुवाटारमा प्रचण्ड ओलीबीच छलफल भए पनि प्रचण्डले अहिल्यै धोका दिएकाले भविष्यको कुरा नगर्न चेताएको सार्वजनि भएको थियो ।
वामदेव गौतमलाई पनि विभिन्न आस्वासन दिए पनि अहिले गौतम पनि ओलीतिर फकिएका छैनन् भने महाधिवेशन पछि पार्टीको नेतृत्व लिन जस्ता आस्वासन दिए पनि माधव नेपाल पनि ओलीसगँ विस्वस्त भएनन् ।
माधव नेपाल त अझ शुरु देखि नै एक व्यक्ति एक पदको पक्षमा रहदै आएका थिए ।
यस बीचमा मदन भण्डारी फाउन्डेशनका नाममा ओली पक्षले गतिविधि गरीरहेको छ भने प्रचण्ड माधव पक्षले पनि जनवर्गीय संगठन र वागमती प्देशमा अलभ भेला र छलफल गरेर आफ्नो समुह बलियो बनाउने रणनीतिमा लागेका छन् ।
बिहिबार प्रचण्ड माधव समुहले कोटेश्वर पेरिसडाँडामा प्रचण्ड माधव पक्षका बागमति प्रदेशका जिल्ला तहका नेताहरु सहभागी थिए ।
भेलाको संयोजन वाग्मती प्रदेश कमिटी ईन्चार्ज अष्टलक्ष्मी शाक्य र अध्यक्ष नारायण दाहालले गरेका थिए । भेलामा दाहाल–नेपाल निकट जिल्ला इन्चार्ज, सह–इन्चार्ज, अध्यक्ष र सचिव दर्जनौं सहभागी थिए ।
स्थायी कमिटिको बैठक बस्नु अघि दुबै पक्ष आ आफ्नो पक्षको भेला र छलफलमा व्यस्त देखिएका छन् । स्थायी कमिटी बैठक मंसिर २८ मा बस्दैछ ।
