संघीय लोकतान्त्रिक गणतन्त्र नेपाल नै लेख्न संसदीय समितिको निर्देशन
कार्तिक २४ काठमाण्डौं । सरकारले हालै नेपालको नाम सँग जोडेर लेखिदै आएको संघीय लोकतान्त्रिक गणतन्त्र शब्द नराख्न गरेको निर्णय कार्यन्वयन गर्न संसदीय समितिले निर्देशन दिएको छ ।
असोज १९ गते मन्त्रीपरिषद् बैठकले यस्तो निर्णय गरेको थियो । प्रतिनिधि सभाको राज्यव्यवस्था तथा सुसासन समितिले आजको बैठक पछि यस्तो निर्देशन दिएको हो ।
संघीय मामिला तथा सामान्य प्रशासन मन्त्रालयले कात्तिक ५ गते ७ सय ५२ वटै स्थानीय तहलाई पत्राचार गरी निर्णय कार्यान्वयन गर्न गराउन अनुरोध गरेको तियो ।
समितिकी सभापति शसी श्रेष्ठले यदी नाम परिवर्तन गर्नु पर्ने भएमा संसदमा प्रस्ताव ल्याउन पनि निर्देशन दिईन् । बैठकमा सरकारको तर्फबाट जवाफ दिदै परराष्ट्र मन्त्री प्रदीप ज्ञवालीले नाममा एकरुपता दिनका लागि मात्र यस्तो निर्णय भएको दाबी गरेका थिए ।
नेकपाका दुई जना सांसदले यो निर्देशनमा असहमति जनाएका थिए । असहमति राख्नेमा नेकपाका बिजय सुव्वा र नवराज सिलवाल रहेका छन् । सरकारको निर्णयको आलोचना भएको थियो ।
