कार्तिक २२ काठमाडौं । नेकपाका कार्यकारी अध्यक्ष प्रचण्डको नेतृत्वमा पाँच सचिवालय सदस्यले औपचारीक बैठक बोलाउन माग गर्दै लिखित पत्र प्रधानमन्त्री एवं पार्टी अध्यक्ष प्रचण्डलाई बुझाएका छन् ।
प्रचण्ड, माधव कुमार नेपाल, झलनाथ खनाल, वामदेव गौतम र नारायणकाजी श्रेष्ठले अनौपचारीक सचिवालयको निर्णइ अनुसार लिखित पत्र बुझाए पनि बैठक बोलाउने कुरामा ओली ठोस रुपले तयार नभएको स्रोतले जनाएको छ । ओलीले आफू बिरुद्ध गुटबन्दी भएको भन्दै बैठक तत्कालै राख्न असहमति जनाएको स्रोतको दाबी छ ।
पत्रमा औपचारीक बैठक बसी स्थायी समितिको बैठकले गरेका निर्णयहरु कार्यन्वयन गर्नु पर्ने माग गरिएको छ । पत्र बुझाए पछि नेकपाका प्रवक्ता नारायणकाजी श्रेष्ठले पार्टी एकता रक्षाका लागि तथा समग्र विषयमा छलफल गर्न बैठक बोलाउन लिखित माग गरिएको जानकारी दिए ।
पत्र बुझाउनुअघि सचिवालयका पाँच नेताले पार्टी मुख्यालय धुम्वाराहीमा छलफल गरेका थिए । हिजो पनि अनौपचारीक छलफल भएको थियो ।
अब यदी ओलीले बैठक नबोलाए औपचारीक रुपले सचिवालयको बैठक राख्ने या के गर्ने भन्ने विषयमा प्रचण्ड सहितका नेताले छलफल गरेर अघि बढ्ने एक नेताले बताए ।
