कार्तिक २२ काठमाण्डौं । नेकपाको आन्तरीक विवाद बढीरहेका बेला बैठक बसेर समस्याको समाधान खोज्ने प्रयासका लागि प्रधानमन्त्री ओलीलाई आग्रह गर्न प्रचण्ड सहित पाँच नेता वालुवाटार पुगेका छन् ।
हिजो धुम्बाराहीमा बसेको सचिवालयको अनौपचारीक बैठकको निर्णय अनुसार बालुवाटार जाने नेताहरुमा प्रचण्ड बाहेक माधव कुमार नेपाल, झलनाथ खनाल, वामदेव गौतम र नारायणकाजी श्रेष्ठ रहेका छन् ।
आज पनि बालुवाटार जानु अघि हिजो छलफल गरेका पाँच नेताले आज पनि छलफल गरेर लिखित पत्र तयार पारेको स्रोतको दाबी छ ।
ओलीले आफ्नो सहमति विना औपचारीक बैठक बसे पार्टी विभाजन हुने चेतावनी दिए पनि अन्य नेता अनौपचारीक बैठक बसेका हुन् ।
हिजोको सचिवालयको अनौपचारीक बैठकमा ओली सहित उनी पक्षका उप्रधानमन्त्री ईश्वर पोखरेल, अर्थमन्त्री विष्णु पौडेल र गृहमन्त्री राम बहादुर थापा सहभागी भएका थिएनन् ।
