काठमाडौं, कात्तिक १९ । नेपाल भ्रमणका लागि भारतीय सेनाध्यक्ष मनोज मुकुन्द नरावणे आज काठमाण्डौं आउदै छन् । नरवाणे बिहान साढे ११ बजे काठमाण्डौमा ओर्लने छन् । भारतीय सेना अध्यक्ष नरवाणेले नेपाली सेनाको मानार्थ सेनाअध्यक्षको सम्मान भोली ग्रहण गर्नेछन् । यो मानार्थ उपाधी राष्ट्रपति विद्यादेवी भण्डारीले प्रदान गर्नेछिन् ।
नेपालमा रहँदा नरवाणेले प्रधानमन्त्री केपी शर्मा ओलीसगँ समेत भेटघाट गर्नेछन् । प्रधानमन्त्री ओलीले रक्षा मन्त्रालयको जिम्मेवारी समेत सम्हालेका छन् । त्यसै गरी प्रधानसेनापति पूर्ण चन्द्रथापासगँ पनि नरवाणेको छलफल हुनेछ ।
नेपाल र भारतका सेना प्रमुखबीच एकअर्काको देशमा मानार्थ महारथीको दर्ज्यानी चिन्ह दिएर सम्मान गर्ने परम्परा सन् १९५० देखि शुरु भएको हो ।
लिपुलेक, कालापानी, लिम्पियाधुरा अतिक्रमण गरेको मामलामा नेपालले नयाँ नक्सा जारी एवं कुटनीतिक नोट पठाए पछि भारत रुष्ट बनेका बेला भारतीय सेना अध्यक्ष नरवाणेले नेपालले कसैको उक्साहटमा नेपालले सीमा विवाद उचालेको अभिव्यक्ति दिए पछि नेपालमा उनको बिरोध भएको थियो ।
नेपाल र भारतबीच सीमा विवाद समाधान गर्ने बिषयमा भारतले चासो नदिईरहेका बेला यो भ्रमणले संवादको ढोका खोल्ने अनुमान बुद्धीजीवीहरुले गर्दै आएका छन् ।
