कार्तिक ५ काठमाण्डौं । नेपाली भुभाग कालापानी, लिपुलेक र लिम्पियाधुरा भारतले अतिक्रमण गरेर सडकै बनाए पछि दुई देशबीचको सम्बन्ध तनावपूर्ण रहेका बेला भारतीय जासुसी संस्था रअका प्रमुख सामन्त गोयल आज काठमाण्डौं आएका छन् । उनी भारतीय वायुसेवाको विमानबाट काठमाण्डौ आएका हुन् । उनी ९ जनाको टोली रहेको बताइएको छ ।
उनले आज नेपालमा रहँदा प्रधानमन्त्री ओलीलाई समेत भेट्ने बताईएको छ ।
भारतीय सेनापति मुकुन्द नरवाणे काठमाण्डौं आउने निश्चित भएका बेला रअ प्रमुख काठमाण्डौ आएका हुन् । भारतीय सेनापति आगामी कार्तिक १८ गते काठमाण्डौ आउने छन् ।
गोयल भोली स्वदेश फर्कने जनाईएको छ । रअ प्रमुख गोयल यस अघि अघिल्लो बर्ष पनि नेपाल आएका थिए ।
उनको भ्रमणको कारण धार्मिक वा विभिन्न बताईएको भए पनि नेपालको पछिल्लो परिस्थिति बुझन आएको अनुमान गरिएको छ ।
भारतले अतिकमण गरेको नेपाली भूमि फिर्ता गर्ने विषयमा वार्ता समेत दुई देशबीच हुन नसकेका बेला भ्रमणहरु बाक्लिन थालेका छन् ।
