कार्तिक ३ काठमाण्डौं । महामारीका बेला सांसद, मन्त्री, तिनका पिएहरुले भारी भरकम दँशै भत्ता बुझेको खबर सञ्चार माध्यममा आए पछि आलोचना भईरहेका बेला काँग्रेसले स्वागतयोग्य कदम चालेको छ ।
काँग्रेसका सभापति शेर बहादुर देउवाले पार्टीका सबै सांसदहरुलाई दँशै भत्ता फिर्ता लिन निर्देशन दिएका छन् ।
काँग्रेस सङ्घीय संसदीय दलका नेतासमेत रहेका सभापति देउवाले सांसदहरुको दशैँ खर्च सरकारले कोभिड–१९ सङ्क्रमणको उपचार र व्यवस्थापनमा खर्च गरोस् भनेर फिर्ता गर्नका लागि आज निर्देशन दिएका हुन् ।
काँग्रेस संसदीय दलको बैठकले पछि अनुमोदन गर्ने गरी सभापति देउवाले दिनुभएको निर्देशनबमोजिम आजै सबैलाई पत्राचार गरिने पार्टीका प्रमुख सचेतक बालकृष्ण खाँणले राससलाई जानकारी दिए ।
प्रमुख सचेतक खाँणले कोरोना सङ्क्रमण महामारीमा नागरिकको जीवनरक्षा गर्ने पहलो दायित्व र कर्तव्य सरकारको भएको बताए। खाँणले यस्तो सङ्कटका अवस्थामा कोरोना सङ्क्रमितलाई अस्पताल नआउनुस् भन्ने र परीक्षण तथा उपचार पनि निःशुल्क नगर्ने भन्ने सरकारको निर्णय गैरजिम्मेवार र अनुत्तरदायी भएको बताउँदै उक्त निर्णय तत्काल फिर्ता लिन सरकारसँग माग गरे ।
