कार्तिक ३ काठमाण्डौं । गत वर्षहरुमा महान पर्व दँशैमा लाखौँको संख्यामा नागरिकहरु उपत्यका बाहिर जाने गर्दथे । नयाँ वसपार्कमा मानिसहरुको र गाडीहरुको ठूलो भीड लाग्ने गर्दथ्यो ।
तर यस पाली कोरोना महामारीको असरका कारण उपत्यका बाहिर ठूलो संख्यामा मानिसहरु गएको देखिएको छैन । नयाँ गाडीहरु समेत दँशैमा ईन्ट्री गर्ने व्यवशायीहरु यस पटक पुरानै गाडीले यात्रु नपाउदा समस्यामा परेका छन् ।
सँधै अग्रिम बुकिङ खुल्ला हुने गरेको भए पनि यस पटक सिधै बसपार्कमा अनलाईनबाटै पनि टिकट काट्ने व्यवस्था गरिएको भए पनि यात्रु खासै पाईएका छैनन् ।
गत वर्ष दँशैमा २५ लाख बढी यात्रुहरु उपत्यका बाहिरीएका थिए । तर यस पटक न्युन संख्यामा मात्रै यात्रुहरु गईरहेका छन् । सरकारले नै घरमै बसेर दँशै मनाउन अपील गरीरहेको छ । यसले यातायात व्यवशायीलाई ठूलो मार्का परेको देखिएको छ ।
