कार्तिक १ बीरगञ्ज । प्रहरीले जबरजस्त गोप्य सूचनाका आधारमा रेड गरेर करीब २३ किलो सुन र दुई किलो चाँदी आज बीरगञ्जबाट बरामद गरेको थियो । यो सुन रहेको बीरगञ्ज ५ को गणेश अपार्टमेन्ट को फल्याट नं ३०३ बाट बरामद भएको थियो । दिँउसो प्रहरीले रेड हान्दा त्याहा कोही पनि थिएनन् र ताला तोडेर पहरीले सुनचाँदी फेला पार्यो ।
यो सुन भेटिएको फल्याट भाजपाका बिहारका उम्मेद्धार प्रमोद कुमार सिन्हाका भाई अशोक सिन्हाको रहेको खुलेको छ । भारतीय सञ्चार माध्यमका अनुसार तीन करोड भारु पार्टीलाई बुझाएर प्रमोद कुमारले टिकट हात पारेका थिए । प्रमोद भारत रक्सौल निवासी हुन् । अशोक बीरगञ्जमा बस्दै आएका थिए । बिहारमा केही दिनमा निर्वाचन हुँदैछ ।
अशोककै माध्यमबाट बीरगञ्जका व्यापारीसगँ पैसा लिएर प्रमोदले टिकट लिएको यस अघि चर्चा चलेको पनि आजतकले लेखेको छ । अशोक अहिले फरार छन् । प्रहरीले थप अनुसन्धान जारी रहेको जनाएको छ ।
