काठमाडाैं, २४ असाेज । नेपालमा एकैदिन अहिलेसम्म धेरै काेराेना संक्रमित थपिएका छन् । पछिल्लाे २४ घण्टामा ५ हजार ८ जना नयाँ संक्रमित थपिएका स्वास्थ्य तथा जनसंख्या मन्त्रालयले जनाएको छ ।
अहिलेसम्म सक्रिय संक्रमितकाे संख्या ३० हजार ८ सय १८ जना छन् भने संस्थागत आइसाेलेसनमा रहेकाकाे संख्या १३ हजार ६ सय ५४ रहेका छन् ।
शनिबार मन्त्रालयको नियमित प्रेस ब्रिफिङका क्रममा प्रवक्ता डा जागेश्वर गौतमले नयाँ थपिएका कोरोनाका संक्रमितसँगै नेपालमा कोरोना संक्रमितको संख्या १ लाख ५ हजार ६८४ पुगेको जानकारी दिएका छन् ।
यसैगरी पछिल्लो २४ घन्टामा कोरोनामुक्त भएर १२ सय २९ जना डिस्चार्ज भएका छन् । यो सँगै नेपालमा अहिलेसम्म कोरोनामुक्त हुनेको संख्या ७४ हजार २५२ जना पुगेको छ ।
त्यस्तै पछिल्लो २४ घन्टामा नेपालमा थप १४ जनाको कोरोना संक्रमणबाट मृत्यु भएको छ । स्वास्थ्य मन्त्रालयका अनुसार योसँगै नेपालमा कोरोना संक्रमणबाट मृत्यु हुनेको संख्या ६ सय १४ पुगेको छ । मृत्यु हुने अधिकांश दिर्घ राेगी र अन्य राेगका बिरामी रहेका छन् ।
