धरान असोज २२ । सबै भन्दा धेरै सरकारी कोटामा डाक्टर उत्पादन गर्ने धरान स्थित विपी कोईराला स्वास्थ्य विज्ञान प्रतिष्ठानमा निरन्तर कोरोना संक्रमणका नाममा बिरामीको उपचारमा एक पछि अर्को लापरवाहीको घटना सार्वजनिक भएको छ ।
असोज ४ गते पवित्रा देवी तिम्सिनालाई एम्बुलेन्समै चार घण्टा राखिददा ज्यान गएको घटना सेलाउन नपाउदै पुनः अर्को बिरामीलाई तीन घण्टा एम्बुलेन्समै राख्दा पनि भर्ना नलिए पछि एक बिरामी त्यतिकै घर फर्किएका छन् ।
ईटहरी उपमहानगरपालिका वडा नं १२ निवासी राजेन्द्र सिंह विष्टलाई कोरोना देखिए पछि बिपीको आईसोलेसनमा भर्ना हुन ईटहरी उपमहानगरपालिकाको एम्बुलेन्समा धरान गएका थिए ।
धरान जाँदा जाँदै बाटैमा एम्बुलेन्स एउटा कारमा ठोक्किएर उनको टाउकोमा चोट लाग्यो । नत एम्बुलेन्सले प्रहरीलाई नै खबर गरेर त्यो कार समात्यो । त्यतिकैमा एम्बुलेन्सले हतार हतार कोभिड अस्पताल धरान पुर्यायो । तर चार घण्टा सम्म उनलाई भर्ना लिएन ।
त्यस पछि विष्टले अस्पतालका डाईरेक्टर गौरीशंकर शाहलाई फोन गरे । त्यस पछि उनले मिलाउछु भने । तर केही बेर पछि डाईरेक्टर शाहले फोन स्वीच अफ गरेर बसे ।
त्यस पछि डाक्टरले बल्ल तल्ल सम्पर्क गरे । र पनि उपचारमा आलटाल गरे पछि विष्ट पुनः सोही एम्बुलेन्सबाट घर फर्किएर अहिले होम आईसोलेसनमा बसेका छन् । उनको टाउकोमा करीब ५ टाँका लगाउनु पर्ने भनिए पनि टाँका समेत नलगाए पछि उनी घर फर्किएको बताएका छन् ।
सोही दिन हिजै कोरोना संक्रमित भएका एक बालकलाई एपेण्डि साईट भएर ल्याईएको थियो । तर आमा छोरा नै कोरोना संक्रमित भएका कारण भर्ना हुन हतार परे पनि भर्ना नलिदा आमा छोराको रुवावासी भएको देखिएको थियो ।
बिपी भित्र चरम भ्रष्टाचार बढेको, उपकुलपति राजनीतिक पँहुचका कारण बिरामीको स्वास्थ्य र अस्पतालको पुर्वाधार र उपचार व्यवस्थापन भन्दा पनि व्यापारीसगँ साँठगगाँठ, नियुक्ति, सरुवा, ठेक्कासगँ सम्बन्धित काममा लागेको गुनासो बढीरहेको छ ।
नियम विपरीत आईसोलेसनमै बसेर पनि उपकुलपति ज्ञानेन्द्र कार्की खरीद , नियुक्ति सरुवा जस्ता काममा लागेको भन्दै अख्तियारमा समेत उजुरी परेको छ । विराट मेडिकल कलेजमा कार्यरत रहेकै बेला प्रधानमन्त्री ओलीले गिरीलाई विपीको उपकुलपतिमा लकडाउनकै बेला नियुक्त गरेका थिए ।
बिपीको यो लापरबाही प्रति जनस्तरमा व्यापक आवाज उठे पनि सरकारले कुनै कदम चाल्न सकेको छैन ।
