काठमाडौँ , २१ असोज ।
बुधबार १५ जना कोरोना संक्रमितको मृत्यु भएको छ । आज १० जना पुरुष र ५ जना महिला गरि १५ जना कोरोना संक्रमितको मृत्यु भएको स्वास्थ्य मन्त्रालयले जनाएको छ ।
आज काठमाडौँ उपत्यकामा काठमाडौँका ४५ , ५३ , ६४ , ६९ वर्षीया चार पुरुष , काठमाडौँकी ६६ , ७२ वर्षीया दुइ महिला र ललितपुरका ४३ वर्षीया पुरुषको कोरोना संक्रमणबाट मृत्यु भएको हो ।
यस्तै आजै मोरंगका ४० , ६० वर्षीया दुइ पुरुष , सिरहाकी ५० वर्षीया महिला , रौतहटकी ७२ वर्षीया महिला , चितवनका ६१ वर्षीया पुरुष , रुपन्देहीका ५५ वर्षीया पुरुष , नवलपरासीका ७६ वर्षीया पुरुष र दांगका ७१ वर्षीया महिलाको कोरोना संक्रमणबाट मृत्यु भएको स्वास्थ्य मन्त्रालयले पुष्टि गरेको छ ।
मन्त्रालयका अनुसार नेपालमा कुल कोरोना संक्रमित मध्य ०.६१ प्रतिशत अर्थात ५ सय ७८ जनाको मृत्यु भइसकेको छ ।
हाल ४ हजार १ सय ६४ जना क्वारेन्टिनमा बसेका छन् ।
