नेकपा भित्र मन्त्रीपरिषद् पुनर्गठनको योजना अलमलमाः सचिवालयको बैठकमा छलफल नै भएन
असोज २१ काठमाण्डौं । नेकपा भित्र मन्त्रीपरिषद् पुनर्गठनको योजना फेरी अलमलमा परेको छ । प्रधानमन्त्रीको सरकारी निवासमै व्यापक कोरोना संक्रमण फेलिए पछि रोकिएको सचिवालयको बैठक मंगलबार साँझ बस्यो ।
तर त्यस बैठकमा पनि मन्त्रीपरिषद पुनर्गठनको एजेण्डाले प्रवेश नपाएको बुझिएको छ । यस अघि मन्त्रीमण्डल पुनर्गठन गर्ने निर्णय भए पनि मन्त्री बन्न आकांक्षी धेरै देखिएका कारण तत्काल निर्णय हुन सकेको छैन ।
प्रवक्ता नारायणकाजी श्रेष्ठका अनुसार बैठकले अनसनरत डा. गोविन्द केसीलाई अनसन स्थगन गर्न अनुरोध गरेको छ ।
वैठकमा प्रधानमन्त्रीले केसीसगँ विगतमा भएका सम्झौता कार्यन्वयनको प्रकृयामा रहेको भन्दै अनसन स्थगन गर्न गरिएको आग्रहका बारेमा अवगत गराएका थिए ।
यस्तै बैठकमा संवैधानिन नियुक्तिका बारेमा छलफल भएको छ भने पार्टीको सांगठनिक एकीकरण र कार्ययोजनाको बारेमा छलफल भएको श्रेष्ठले बताए । अर्को बैठक दुबै अध्यक्षको छलफल पछि तय हुने भएको छ ।
