जनकपुरधाम , १५ असोज ।
समाजमा अहिले दिनहुजसो बलात्कार र हत्याका घटना सुन्नमा आएका छन् । यस्ता घटनाहरु घटाउने अपरिचित नभइ परिचित जसलाइ विश्वास गरिएको हुन्छ , तिनीहरुनै जिम्मेवार रहेका हुन्छन् ।
यस्तो परिचितमा कोही छिमेकी हुन्छन् , कोही दिदिभाइको नाता , कोही भने बुहारी ससुरा , कोही भने जनप्रतिनिधिनै हुन्छन् ।
यस्तैमा जबरजस्ती करणीको आरोपमा एक वडा सचिव पक्राउ परेका छन्।
भंगहा नगरपालिका ९ का वडा सचिव मिथिलेश यादवले सोही वडाकी एक दलित महिलालाइ जबरजस्ती करणी गरेको आरोपमा वडा सचिव पक्राउ परेका हुन्।
बजारबाट घर फर्कैदै गरेकी उक्त महिलालाइ बुधबार साँझ राती बलात्कारको प्रयास गरेको प्रहरी प्रमुख उपरिक्षक केसीको भनाइ छ ।
‘महिलाले दिएको बयानका आधारमा वडा सचिव यादवलाई पक्राउ गरिएको छ, थप अनुसन्धान मेडिकल परीक्षण पछि मात्र खुल्छ,’ प्रहरी उपरीक्षक केसीले भने ।
अहिले वडा सचिव यादवलाई प्रहरी हिरासतमा राखिएको छ ।
