रौतहट , १५ असोज ।
रौतहटस्थीत गरुडाको प्रहरी कार्यलयको महिला तथा बालबालिका सेवा केन्द्रको हिरासतमा एक महिलाको मृत्यु भएको छ ।
हिरासतमा मृत्यु भएकी महिला गुजरा नगरपालिका–२ कटानीबजारकी राधिका राउत रहेको जिल्ला प्रहरी कार्यालय रौतहटका प्रवक्ता तथा डीएसपी भरतले बताए ।
भरतका अनुसार अनैतिक सम्बन्धको आरोपमा पक्राउ परेकी राउत बिहीबार बिहान मृत अवस्थामा फेला परेकी हुन् ।
श्रीमानले राधिकालाई एक पुरुषसँग शौचालयमा अनैतिक सम्बन्ध राख्दै गर्दा देखेपछि बुधबार साँझ वडाअध्यक्ष अशोककुमार थारुको रोहबरमा प्रहरी चौकीमा बुझाएका भरतले बताए ।
डीएसपी श्रेष्ठका अनुसार यद्यपी राउतको के कारणले मृत्यु भयो भन्ने अनुसन्धान भइरहेको छ ।
मृतक राधिकाले आफू छारे रोगको बिरामी भएको प्रहरीलाई जानकारी गराएको बताइएको छ ।
पछिल्ला दिनहरुमा प्रहरी हिरासतमा मृत्यु हुनेहरुको संख्या बढ्दै गएको छ ।
