असोज ७ काठमाडौँ । चिनियाँ पक्षले हुम्लास्थित नेपाल–चीन सीमा क्षेत्रको नेपाली भूभागमा भवन निर्माण गरेको भनी सञ्चार माध्यममा आएको समाचारको चीनीया दुतावासले खण्डन गरेको छ ।
चिनियाँ दूतावासका प्रवक्ता वाङ सीयओलङले चीन–नेपाल सीमा क्षेत्रमा बनेको भवन चीनकै भूभागमा रहेको प्रमाणित भएको उल्लेख गर्दै नेपाली पक्षले फेरि प्रमाणीकरण गर्न सक्ने बताए ,वागंले नेपाल र चीन अत्यन्त असल छिमेकी रहेको भन्दै चीनले नेपालको क्षेत्रीय अखण्डता र सार्वभौमिकताको जहिल्यै सम्मान गरेको बताएका छन् ।
उनले नेपाल र चीनले जुनसुकै बेला सीमा बारे संवाद गर्न सक्ने बताए ।
हुम्लास्थित नेपाल–चीन सीमा क्षेत्रमा चिनियाँ पक्षले बनाएको भवन नेपालको नाम्खा गाउँपालिकामा पर्ने खबर प्रकाशित भएका थिए । त्यस पछि सीमाको वास्तविक रुपमा स्थलगत अध्ययन गर्न हुम्लाका प्रमुख जिल्ला अधिकारी चिरञ्जीवी गिरीको नेतृत्वमा एक टोली गएको थियो ।
नेपाल सरकारले सो बिषयमा आधिकारीक रुपमा कुनै प्रतिकृया सार्वजनिक गरेको छैन ।
