असोज ६ काठमाण्डौं । नेपाल पत्रकार महासंघ उपत्यका प्रदेश कमिटिले महासंघकी ललितपुर शाखाकी उपाध्यक्ष एवं मिर्मिरेअनलाईनकी कार्यकारी सम्पादक सिर्जना तिम्सिनाकी ममतामयी आमा पवित्रा देवी तिम्सिनाको निधनप्रति समवेदना व्यक्त गरेको छ ।
पदेश कमिटिका महासचिव सृजन झाले एक विज्ञप्ति जारी गरी असोज ४ गते बेलुका पवित्रा देवी तिम्सिनाको निधन भएको खबरले उपत्यका प्रदेश कमिटि स्तव्ध भएको जनाउदै मृत आत्माको चीर शान्तिको कामना व्यक्त गर्नु भएको छ ।
साथै महासचिव झाद्धारा जारी विज्ञप्तिमा पवित्रा देवी तिम्सिनाकी शोक सन्तप्त परिवारमा समवेदना प्रकट गरिएको छ ।
बिपी कोईराला स्वास्थ्य विज्ञान प्रतिष्ठान र त्ययसमा कार्यरत चिकित्सकले समयमै उपचार नगरी लापरबाही गर्दा तिम्सिनाको मृत्यु भएको परिवारले बताएका छन् ।
विपी भित्र समयमा उपचार नगरेर लापरवाही गर्ने चिकित्सकलाई छानविन गरी कार्बाही गर्ने अस्पताल प्रशासनले जनाएको छ ।
