काठमाडौँ , ५ असोज ।
सोमबार एकैदिन अहिले सम्मकै धेरै १६ जना कोरोना संक्रमितको ज्यान गएको छ ।
आज १३ जना पुरुष र ३ जना महिला गरी १६ जना कोरोना संक्रमितले ज्यान गुमाएका छन् ।
आज काठमाडौँ उपत्यकाका काठमाडौँका ५८ र ७३ वर्षीया पुरुष , भक्तपुरका ८४ , ६२ वर्षीया पुरुष र ललितपुरकी ५८ वर्षीय महिला र ललितपुरकै ६१ वर्षीया पुरुषले ज्यान गुमाएका छन् ।
यसैगरी उपत्यका बाहिर झापाका ७२ वर्षीया पुरुष , सुनसरीका ४९ वर्षीया पुरुष , पर्साका ८८ वर्षीया पुरुषको आजै कोरोना संक्रमणबाट ज्यान गएको हो ।
त्यस्तै मकवानपुरकी १७ वर्षीय महिला , दोलखाकी ५२ वर्षीय महिलाको पनि कोरोना संक्रमणबाट ज्यान गुमेको स्वास्थ्य मन्त्रालयले जनाएको छ ।
यसैगरी चितवनका ५५ वर्षीया पुरुष , बाँकेका ५० र ५९ वर्षीया पुरुष र रुपन्देहीका ६७ वर्षीया पुरुषले कोरोना संक्रमणबाट आफ्नो ज्यान गुमाएका हुन् ।
मन्त्रालयका अनुसार कुल संक्रमित मध्य ०.७ प्रतिशत अर्थात ४ सय २७ जनाले ज्यान गुमाएका छन् ।
