काठमाडौँ , २९ भदौ ।
नेपालमा अहिले सम्मकै धेरै एकैदिन १५ जनाको कोरोना संक्रमणबाट ज्यान गुमेको छ ।
आज ५ महिला र १० जना पुरुष गरी १५ जनाको ज्यान गएको स्वास्थ्य मन्त्रालयले जनाएको छ । मन्त्रालयका अनुसार काठमाडौँ उपत्यकामा ८ र उपत्यका बाहिर ७ जनाले ज्यान गुमाएका छन् ।
आज मृत्यु हुनेहरुमा काठमाडौँकी ६१ वर्षीया महिला , कपिलवस्तुकी ४७ वर्षे , पर्साकी ५५ वर्षे , नवलपरासीकी ६२ वर्षीया महिला र गोरखाकी ६३ वर्षीष महिलाले कोरोना संक्रमणबाट ज्यान गुमाएका छन् ।
यसैगरी मोरंगका ४० र ७० वर्षे दुइ पुरुषले पनि ज्यान गुमाएका छन् ।
त्यस्तै ललितपुरका ५५ वर्षे , भक्तपुरका ७३ वर्षे , रामेछापका २३ वर्षीय पुरुषले पनि आजै कोरोना संक्रमणबाट ज्यान गुमाएका हुन् ।
मन्त्रालयले जनाए अनुसार काठमाडौँका ७३ , ६२ , ७७ , ८५ , ७० वर्षीय पुरुषहरुले ज्यान गुमाएका छन् ।
नेपालमा कुल कोरोना संक्रमित मध्य ०.६५ प्रतिशत अर्थात तीन सय ६० ले ज्यान गुमाएका छन् ।
