रौतहाट , १७ भदौ ।
रौतहटको हनुमान मन्दिरका पुजारी श्रीराम शाहको हत्यामा संलग्न भएको आरोपमा पक्राउ परेका दुई अभियुक्तलाइ प्रहरीले सार्वजनिक गरेको छ । अभियुकतहरु देवाही गोनाही नगरपालिका–१ घर भएका रामनरेश पटेल र सोही ठाउँका बालकुमार पटेल रहेका छन् ।
उनीहरुलाइ रौतहटको बौधिमाई नगरपालिका–७ वडकी बंकुल एरियाबाट पक्राउ गरेको २ नम्बर प्रदेशका प्रहरी प्रमुख धीरजप्रताप सिंहले जानकारी दिए ।
अनुसन्धान गर्दा ‘नरेश पटेलले कटुवा पेस्तोल प्रयोग गरी पुजारी साहको हत्या गरेको सिंहले बताए । ,उनले भने, ‘त्यस्तै बालकुमार पटेलले घटनास्थित बसेर मानिसको आवत जावतलाई निगरानी गरेको थियो ।’
यस्तै घटनामा अन्य व्यक्तिको पनि संलग्नता रहेको अपराधीको खोजी कार्य भइरहेको सिंहले जानकारी दिए । पक्राउ परेका दुवै जनामाथि जिल्ला अदालत रौतहटबाट १० दिनको म्याद थप गरी अनुसन्धान भइरहेको प्रहरीले जनाएको छ ।
हत्या गर्नुको मुख्य कारण यस प्रकार रहेको छ :
१. राम नरेश पटेलको बुबाले पुजारीसँग रकम ब्याजमा लिएको र रकम तिर्ने क्रममा बारम्बार विवाद भइरहने गरेको ।
२.गाउँमा विभिन्न विषयहरुमा छलफल हुँदा मृतक पुजारीले फरक मत राख्ने क्रममा पुजारी र राम नरेश पटेललबीच विवाद भएको छ ।
३. मृतक पुजारीको मन्दिर नजिक ३ वटा रक्सी पसल रहेको र रक्सी सेवन पश्चात मन्दिरको धारामा आई खुट्टा धुन, पानी खाने र घटना हुनुभन्दा तीन दिनअघि पनि नरेश र पुजारीबीच विवाद भएको ।
मन्दिर परिसरमा अज्ञात ब्यक्तिले गोली हानेर हत्या गरेका पुजारीको हत्यामा संलग्नलाई कानुनी दायरामा ल्याउन हिन्दुवादी संगठनले दवाव दिएका थिए ।
