काठमाडौँ , १५ भदौ । भारतका पूर्वराष्ट्रपति प्रणव मुखर्जीको आज भएको निधनबाट नेपालका राष्ट्रपति तथा प्रधानमन्त्री दुबैजनाले आफूहरु मर्माहत र दुखि भएको बताएका छन् ।
राष्ट्रपति विद्यादेवी भण्डारीलेआज साँझ ट्विट गर्दै नेपाली जनता, नेपाल सरकार तथा आफ्नो व्यक्तिगततर्फबाट भारतीय जनता, भारत सरकार र शोकाकूल परिवारप्रति समवेदना व्यक्त गरे ।
त्यस्तै प्रधानमन्त्री केपी शर्मा ओलीले पनि भारतका पूर्वराष्ट्रपति प्रणव मुखर्जीको निधनले आफू अन्यन्तै दुखित भएको बताएका छन् ।
उनले आज साँझ ट्विट गर्दै दुःखको यस घडीमा भारत सरकार, भारतीय जनता र शोकसंतप्त परिवारप्रति समवेदना व्यक्त गरेका छन् । प्रधानमन्त्रीओलीले मुखर्जीले विभिन्न ओहदामा रहेर नेपाल –भारत सम्बन्ध सुदृढ गर्न पुर्याएको योगदानको स्मरण पनि गर्नुभएको छ ।
पूर्वराष्ट्रपति मुखर्जीको निधनबाट नेपालले एक महान् मित्र गुमाएको आभास दुबैले गर्नुभएको छ ।
