भदौ १५ काठमाण्डौं । कोरोना नियन्त्रणका लागि चैत्र ११ देखि लकडाउन शुरु भए लगत्तै बन्द रहेको आन्तरीक हवाई उडान र लामो दुरीको यातायात अझै भदौ मसान्त सम्म बन्द हुने भएको छ ।
आइतबार साँझ प्रधानमन्त्रीको सरकारी निवास बालुवाटारमा बसेको मन्त्रिपरिषद् बैठकले यस्तो रोक लगाउने निर्णय गरेको हो ।
यसअघि आजबाट मापदण्ड बनाएर खोल्ने भनिएको थियो ।
कोरोना संक्रमण बढ्दै जाँदा देशका धेरै भागमा निषेधाज्ञा रहेको छ । नेपालमा कोरोना संक्रमण निरन्तर बढीरहेको छ । नेपालमा कोरोना संक्रमितको संख्या ३८ हजार ५६१ पुगेको छ भने मृत्यु हुनेको संख्या २ सय २१ पुगेको छ ।
मन्त्री परिषद् बैठकले सरकारले झापाका सिडिओ उदयबहादुर रानामगरलाई हङकङ र मकाउका लागि महावाणिज्यदूत नियुक्त गरेको छ भने नवराज ढकाललाई ल्हासाका लागि महावाणिज्यदूत नियुक्त गरेको छ। ढकाल वाणिज्य विभागका सहसचिव हुन् ।
