काठमाडाैं, १२ भदाै । उपप्रधानमन्त्री ईश्वर पोखरेल, गृहमन्त्री रामबहादुर थापा, स्वास्थ्यमन्त्री भानुभक्त ढकाल र प्रधानसेनापछि पूर्णचन्द्र थापा शुक्रवारदेखि होम आइसोलेसनमा बसेका छन् । कोरोना भाइरस संक्रमितको सम्पर्कमा पुगेको देखिएपछि हाेम आइसोलेसनमा बसेका हुन् ।
छाउनीस्थित नेपाली सेनाको हाताभित्र रहेको कोभिड–१९ संकट व्यवस्थापन केन्द्र (सीसीएमसी) को सचिवालयमा कार्यरत कर्मचारीमा कोरोना संक्रमण भेटिएकाे थियाे । सीसीएमसीको सचिवालयमा गत आइतबार कोरोना भाइरस रोकथाम तथा नियन्त्रणको लागि भएकाे बैठकमा सहभागी भएका उनीहरु होम क्वारेन्टाइनमा बसेका हुन् । यस्तै सचिव महेन्द्र गुरागाई पनि होम क्वारेन्टाइनमा बसेकाछन् ।
साे बैठकमा सहभागी एक कर्मचारीमा संक्रमण देखिएको हो । मन्त्रीहरुसहित प्रधानसेनापति, सचिव र अन्य कर्मचारीहरुको पनि पीसीआर परीक्षण गरिएको छ । तर नतिजा आउन बाँकी छ । परीक्षणको नतिजा नआएसम्म उनीहरु होम क्वारेन्टाइनमा बस्ने सीसीएमसी स्रोतले बताएकाे छ ।
