काठमाडौँ , १० भदौ ।
काठमाडौं उपत्यकामा भदौ १७ गते राति १२ बजेसम्मका लागि निषेधाज्ञाको समय बढाइएको छ।
काठमाडौं, भक्तपुर, ललितपुरका प्रमुख जिल्ला अधिकारीहरूको बुधबार बसेको संयुक्त बैठकले निषेधाज्ञाको समय एक साता बढाउने निर्णय गरेको हो।
कोरोना महामारीले उग्र रुप लिनथालेपछि काठमाडौँ उपत्यकामा प्रशासनले भदौ ३ गतेदेखि निषेधाज्ञा जारी गरेको थियो।
आज बसेको तिनै जिल्लाका प्रजिअको बैठकले काठमाडौंमा एक साताका लागि अहिलेको भन्दा कडाइसाथ निषेधाज्ञाको समय बढाउने निर्णय भएको काठमाडौंका प्रमुख जिल्ला अधिकारी जनकराज दाहालले जानकारी दिनुभयो ,
दाहालका अनुसार अबको निषेधाज्ञमा अत्यावश्यक सेवा तथा वस्तुमा बाहेक पहिलेको भन्दा पनि कडा तरिकाले निषेधाज्ञा कार्यान्वयन गर्ने निर्णय भएको छ ।
मंगलबार बसेको तीनै जिल्लाका प्रमुख जिल्ला अधिकारीहरूसहित स्थानीय तह, उद्योग वाणिज्य, स्वास्थ्यकर्मीलगायतको सर्वपक्षीय बैठकले निषेधाज्ञालाई बढाउँदै जानुपर्ने राय सुझाव पेश गरेके थियो ।
‘सबै पक्षबाट निषेधाज्ञालाई निरन्तरता दिनुपर्ने राय आएपछि हामीले समय थप्यौं,’ दाहालले भने।
निषेधाज्ञामा पहिलेको जस्तै अत्यावश्यक सेवा खाद्यान्न, तरकारी, दुग्धजन्य चिजहरूलाई सहज गरिने छ। खाद्यान्न, तरकारी, दुग्धजन्य पसलहरू सवा ९ बजेसम्म खुल्नेछन्।
सरकारी गाडी, एम्बुलेन्स, कार्डबाहक सवारीसाधनहरूलाई रोकिने छैन।
जिल्ला प्रशासन कार्यालय काठमाडौँ द्वारा जारी आदेश
