काठमाडौँ भदौ ९ । काठमाण्डौ उपत्यकामा भदौ ३ देखि लागू भएको निषेधाज्ञा भदौ १७ गते सम्म कायम राख्न सिफारीस भएको छ ।
काठमाडौं उपत्यकामा भदौ १७ गतेसम्म निषेधाज्ञा थपिएको हो । काठमाडौं, भक्तपुर र ललितपुरका प्रमुख जिल्ला अधिकारी प्रमुख जिल्ला अधिकारी र सुरक्षा निकायका प्रमुखको बैठकले भदौ १० गतेसम्मको निषेधाज्ञालाई सात दिन थप गर्ने निर्णय गरेको हो।
भदौ ३ गतेदेखि उपत्यकामा निषेधाज्ञा लागु भएको छ । उपत्यकाका तीन जिल्लाको जिल्ला संकट व्यवस्थापन केन्द्रको बैठकले १० गतेसम्मको निषेधाज्ञा एक साता थप गर्ने निर्णय गर्दै सिफारिस गृहमन्त्रालयमा पठाएको छ। बैठकमा सहभागी एक सुरक्षा अधिकारीका अनुसार सिफारिस स्वीकृत भए लगत्तै उपत्यकामा भदौ १७ गते राति १२ बजेसम्म निषेधाज्ञा रहने छ।
बैठकमा काठमाडौंका सीडीओ जनकराज दाहाल, भक्तपुरकी सीडीओ हुमकला पाण्डे र ललितपुरका सीडीओ नारायण भट्टसँगै नेपाली सेना, नेपाल प्रहरी, सशस्त्र प्रहरी, राष्ट्रिय अनुसन्धान र जिल्ला जनस्वास्थ्य कार्यालयका प्रमुख सहभागी थिए।
मंगलबार उपत्यकामा २३२ संक्रमित थपिएका छन् ।
निषेधाज्ञा थप कडा बनाउने पनि निर्णय भएको छ । काठमाडौंमा मात्र करिब २८ सयमा संक्रमण पुष्टि भएको छ।
