९ भदौ कैलाली । कैलालीकाे बर्दगोरिया गाउँपालिका– ५ का ४९ वर्षीय पुरुषमा मृत्यु भएको १० दिनपछि कोरोना संक्रमण पुष्टि भएको छ । उनकाे साउन ३२ गते मृत्यु भएकाे थियाे ।
कैलालीकै मोहन्याल गाउँपालिका–३ मा मृत्यु भएपछि उनको शव भदौ १ गते उनका आफन्तले घर लगेर अन्तिम संस्कार गरेका थिए । मृतक पुरूषकाे अन्त्येष्टिमा करिब १५० जना मलामी गएको स्थानीयको अनुमान छ ।
ती पुरूषकाे शव घर ल्याउने क्रममा बाटोमै संकलन गरिएकोमा आज मंगलवार रिपोर्ट पोजेटिभ आएकाे बर्दगोरियाका स्वास्थ्य शाखा प्रमुख कृष्ण देव जोशीले जानकारी दिए ।
मृतकलाइ काेराेना भएकाे पुष्टि भएपछि अहिले मलामीहरुको खोजी भइरहेको जोशीले बताएका छन् । उनका अनुसार मृतकको प्रत्यक्ष सम्पर्कमा रहेका व्यक्तिहरूको बुधवार स्वाब परीक्षण गर्ने तयारी भइरहेको छ।
उता, जिल्ला स्वास्थ्य कार्यालय कैलालीका प्रमुख लालबहादुर धामीले झाडापखालाका कारण मृत्यु भएका उनको मृत्युपछि स्वाब परीक्षण गर्दा कोरोना पुष्टि भएको बताए ।
