भदौ ९ काठमाडौँ । कोरोना संक्रमणबाट काठमाडौंका कांग्रेस नेता गोविन्द रञ्जितको मृत्यु भएको छ । नेपाली कांग्रेस काठमाडौं महानगरपालिका वडा नं. २१ कार्यसमितिका सभापति ६७ वर्षीय गोविन्द रञ्जितको कोरोना संक्रमणका आज बिहान बलम्बु स्थित शसस्त्र प्रहरी अस्पतालमा मृत्यु भएको हो ।
चार दिन अघिदेखि भेन्टिलेरमा राखेर उपचाररत उनको उनको मगंलबार मृत्यु भएको अस्पतालका प्रवक्ता डा. प्रविण नेपालले बताए । साउन २७ गते कोरोना पुष्टि भएका उनी साउन ३१ गते अस्पताल भर्ना भएका थिए । ३२ गतेदेखि आईसीयूमा उपचाररत थिए ।
‘नेता रञ्जित सुगर, प्रेसर र मुटुरोगी समेत रहेका थिए ।
नेपाली कांग्रेसका मुख्य सचिव कृष्णप्रसाद पौडेलले रञ्जितले वि.सं. २०३६ सालदेखि विद्यार्थी आन्दोलनबाट राजनीतिक जीवन यात्रा सुरु गरेको स्मरण गराए ।
नेता रञ्जितको निधनप्रति काँग्रेस सभापति शेर बहादुर देउवाले दुखः व्यक्त गरेका छन् ।
