पोखरा , ७ भदौ ।
कास्कीको माछापुच्छ्रे ९ भिमजुङकी २४ वर्षीया दीपा भनेर चिनिने पार्वती गौतमको खोलाले बगाएर ज्यान गएको छ । ऋषिपञ्चमीको अवसरमा बिहानै नजिकैको कस्र्युङ खोलामा नुहाउन गएकी थिइन्।
तीज ब्रतको अन्तिम दिन ऋषि पञ्चमीको अवसरमा उक्त खोलामा नुहाउन झण्डै २० जना महिलाहरू गएका थिए।
दीपाको टोलीमा ५ जना थिए। नुहाउने क्रममा दीपा खोलामा बगेपछि उनका साथीहरू हेरेको हेर्यै भए।
बिहानै खोलाले बगाएको पार्वतीको शव झण्डै ८ सय मिटर तल नदी किनारमा फेला परेको माछापुच्छ्रे गाउँपालिकाका उपाध्यक्ष कृष्णकुमारी दवाडीले बताइन्।
घटनास्थलमा पुगेकी उपाध्यक्ष दवाडीका अनुसार, महिलाहरु ऋषिपञ्चमीको अवसरमा दत्तिवनले दात माझ्न र नुहाउन खोलामा गएका थिए।
मृतक दीपा करिब ६ महिनाकी गर्भवती रहेकी उनका आफन्तले जनाएका छन्। उनका श्रीमान माछापुच्छ्रेमै मजदूरी काम गर्छन् भने उनकी साढे २ वर्षकाी छोरी छीन्।
नजिकै छहराबाट खसेपछि उद्धारको सम्भावना पनि नरहेको स्थानीयवासीले जनाएका छन् ।
