राजविराज भदौ ५ । बिजुली बत्ती गएको मौका छोपी ११ वर्षीया बालिकालाई बलात्कार गरेको आरोपमा सप्तरी प्रहरीले महदेवा गाउँपालिका–३ बथनाहाका ४५ वर्षीय रामसुन्दर सरदारविरुद्ध बिहीबार उजूरी दर्ता गरेको छ ।
सामूहिक रूपमा टेलिभिजन हेरिरहेका बेला आरोपितले गत सोमबार राति ९ बजे बालिकाको मुख थुनी नियन्त्रणमा लिई टोलभन्दा करीब चार सय मिटर टाढा लगेर बलात्कार गरेको आरोपमा उजूरी दर्ता भएको इलाका प्रहरी कार्यालय कञ्चनरुप, सप्तरीले जनाएको छ । पीडितकी आमाले दिएको उजूरीका आधारमा स्वास्थ्य परीक्षण र थप अनुसन्धानपछि दर्ता गरिएको प्रहरीले जनाएको छ ।
इलाका प्रहरी कार्यालयले उजूरी दर्ता गरी आरोपितको तीव्रताका साथ खोजी गरिरहेको जिल्ला प्रहरी कार्यालय सप्तरीका प्रहरी नायब उपरीक्षक एवम् सूचना अधिकारी तिलक भारतीले बताउनुभयो ।

तिहारको मुखमा मिठाईको मिठास कि विषको व्यापार? बजार अनुगमनदेखि नयाँ कानुनसम्म, अटेरी गरे सीधै मुद्दा !

पोखरा–मुग्लिन सडक स्तरोन्नति अन्तिम चरणमा

माग्रीभिरको कडा चट्टान छिचोलियोः सडक सञ्जालमा पहुँच हुने आशा

बाजुराका अलपत्र दुई पुलको ठेक्का रद्द

महँगी र असमानताको विरोधमा युरोप अशान्त: फ्रान्स र जर्मनीमा प्रदर्शन हिंसात्मक, ५ सयभन्दा बढी पक्राउ

राष्ट्रसंघ महासभाद्वारा नेपाल र बङ्गलादेशको एलडीसी स्तरोन्नति तयारी अवधि २०२९ सम्म थप